Ахсынны 16 күнүгэр Сылаҥ нэһилиэгэр кэскиллээх саҥа тутуу үлэ5э киирдэ. Киэҥ сырдык саҥа балаҕан аһыллар үөрүүлээх чааһыгар ыраахтан-чугастан ыалдьыттар муһуннулар 🤗
Чурапчы улууһун уонна Сылаҥ нэһилиэгин Бочуоттаах олохтооҕо, ытык кырдьаҕас Борис Баишев аал уоту оттон, арыылаах алаадьынан, амтаннаах саламаатынан күндүлээн алгыс туһэрдэ. Сылаҥ
нэһилиэгин баһылыга Егор Макаров, нэһилиэк бэтэрээннэрин сэбиэтин ер сылларга салайбыт Чурапчы улууһун уонна Сылаҥ нэһилиэгин Бочуоттаах олохтооҕо Клара Макарова уонна үлэ бэтэрээнэ Евдокия Макарова аалай кыһыл лиэнтэни быстылар.
Балаҕан тутуутугар Түөйэ учаастагын ыччаттара - Степан Макаров, Филипп Монастырев, Михаил Говоров үлэлээтилэр, Алексей Никифоров салайар Сыланнааҕы баһаарынай чааһа ис бараанын тупсаҕай гына оҥорон, уотун -күөһүн, сылааһын
ситэрэн биэрбит 🙌🏻
Саҥа тутуллубут балаҕан сылаас тыынынан илгийэ,
сырдыгынан сыдьаайа, бар дьону араначчылыы, орто
дойду олуга, эйэлээх олох эркинэ буола туруохтун,
нэһилиэк сайдыытын саҥа кэрдиискэ таһааран, дьонун-сэргэтин түмэ турдун 🤗

16.12.2025