Ахсынньы 23 күнүгэр Сылаҥ нэһилиэгэр саҥа тустуу уораҕайа үөрүүлээх быһыыга-майгыга аанын арыйда.
Бу уораҕайга биллиилээх тустуук, Сылаҥтан маҥнайгы спорт маастара Иннокентий Иннокентьевич Протодьяконов аата иҥэрилиннэ. Икки мэндиэмэннээх уораҕай маҥнайгы этээһэ саха төрүт көрүҥэр мас тардыһыытыгар ананна, ону сэргэ фитнес саала баар буолла. Иккис этээскэ тустуу көбүөрэ нэличчи тэлгэннэ.
«Норуот күүһэ — көмүөл күүһэ» диэн этиинэн эрэллээхтик салайтаран олохтоох дьаһалта, төрөөбүт дойдуларыгар бэриниилээх дьон көмөтүнэн үлэлэр ыытылланнар бу баараҕай тутуу олоххо киирдэ! Саҥа уораҕай тутуутугар кыттыбыт, көмөлөспүт, өйөөбүт, тирэх буолбут, үтэн биэрбит хас биирдии киһиэхэ муҥура суох барҕа махталбытын тиэрдэбит! Олохтоохторго эт-хаан, доруобуйа бөҕөргөтөр, эдэр кэнчээри ыччакка кэлэр кэскилин түстүүр дьиҥнээх киин буоларыгар эрэнэбит.

23.12.2025