❄️❄️❄️❄️❄️❄️❄️❄️❄️❄️❄️
☀️☀️☀️☀️☀️☀️☀️☀️☀️☀️☀️


*КУЛУН ТУТАР 2️⃣8️⃣ КҮНҮГЭР*
Хоту көһөрүллүү кыттыылааҕа, Үлэ бэтэрээнэ, балыксыт *Дмитрий Петрович Никифоров* аатыгар "*Куйуур-2026*" Чурапчы улууһун аhа5ас күөн-күрэһэ бэрт сэргэхтик, өрө күүрүүлээхтик ыытыллынна 😃👏🏻
Бу кун уопсайа 5 хамаанда кыттыыны ыллылар. Бастакы көрүҥҥэ 90 мүнүүтэ устата куйуурдаан, ол кэннэ эстафетаҕа утуу-субуу түсүһэн бириэмэҕэ куоталастылар.
Уопсай баалынан, бастакы миэстэ5э Арыылаах нэhилиэгэ тахсан ТЕПЛОВИЗОРЫНАН, ШУРУПОВЕРДУНАН уонна КУЙУУРУНАН на5араадаланна. Онтон иккис миэстэҕэ Сылаҥ нэhилиэгин Улахан Күөл учаастагын хамаандата кыайан ШУРУПОВЕРТ, КҮЛҮҮС НАБОРУНАН уонна КУЙУУРУНАН на5араадаланна. Бочуоттаах үһүс миэстэни Болтоҥо нэhилиэгин хамаандата ылары ситиhэн КҮЛҮҮС НАБОРДАРЫНАН уонна Куйуурунан на5араадаланнылар. Бу бириистэри Д.П.Никифоров оҕолоро туруордулар.
4 миэстэлээх Кытаанах нэhилиэгин хамаандатыгар 6 тыьыынча уу харчынан, 5 миэстэлээх Сылаҥ нэһилиэгин хамаандатыгар 4 тыһыынча уу харчыны биир дойдулаахпыт анал байыаннай дьайыы бэтэрээнэ Ноговицын Вячеслав Вячеславович спонсордаата.
Бу күн Никифоров халыҥ аймаҕа кэлбит дьону күндүлээн сылаас ис миининэн, саламааттаах алаадьынан, сылаас чэйинэн кундулээтилэр.
Маны таhынан Сылаҥ нэһилиэгин баһылыгын бирииһигэр абсолютнай курэхтэргэ о5олорго тоҥуу хаарынан сүүрүүгэ Александров Аман, кэрэ аҥардарга Никифорова Саргы уонна ойбон алларыытыгар Крылов Сергей та5ыстылар уонна сыаналаах бириистэринэн на5араадаланнылар.
Сандал сааһы көрсө Сылаҥмыт тэрилтэлэрин икки ардыгар ыытыллыбыт ЧАСТУШКА уонна араас норуоттар ЧАЙНАЙ ЦЕРЕМОНИЯЛАРЫН көрдөрүүгэ олус тэринэн кэлбит "Сулусчаан" уһуйаан, профессор Г.П.Башарин аатынан Сылаҥ орто оскуолата уонна Бэрэ оскуола-саадын тэрилтэтэ кыттан 1,2,3 миэстэнэн на5араадаланнылар.
Бары көхтөөхтүк кыттыбыт дьоммутугар, барҕа махтал тиэрдэбит! 👍👏👏🙌✊🏼
Тэрээһин сөптөөхтүк барарыгар күүс-көмө буолбут Ноговицын Семен Егоровичка, Протодьяконов Юрий Александровичка махтанабыт! 👍👏👏

28.03.2026