Чурапчы улууһугар балаҕан ыйын 19 күнэ — хоту көһөрүллүү кэриэстэбил күнүнэн бэлиэтэнэр. Аҕа дойду Улуу сэриитин саҕана, 1942 сыллаахха, Чурапчы оройуонун 41 колхуоһун күүс өттүнэн хотугу улуустарга көһөрбүттэрэ.
Сылаҥ нэһилиэгин хоту көһөрүллүүтэ — 1942 сыллаахха буолбут Чурапчы трагедиятын саамай ыар уонна хомолтолоох бааһынаах кэрчиктэриттэн биирдэстэрэ буолар. Аҕа дойду Улуу сэриитин сылларыгар Сылаҥ нэһилиэгин холкуостара уонна олохтоохторо күүс өттүнэн хотугу сирдэргэ балык булдугар ыытыллыбыттара.
Бу күнү биһиги сылын ахсын көһөрүллүү пааматынньыгар тахсан, сибэкки дьөрбөтүн ууран, оччотооҕу кэми санаан ааһабыт. Үүнэр көлүөнэ ыччата умнубатын туһугар тэрээһин тэрийэбит.

19.09.2026