Сэтинньи 22 күнүгэр Сылаҥ нэһилиэгэр үгэскэ кубулуйбут Тыа хаһаайыстыбатын бырааһынньыга буолан ааста. Тэрээһин ас-үөл атыытын дьаарбаҥкатынан саҕаланна. Манна оскуола уһуйаан ,биирдиилээн хаһаайыстыбалар бурдук аһын кыайа-хото атыылаатылар. Үүт ыаһыныгар бастыҥ көрдөрүүлээх нэһилиэкпит хаһаайыстыбаларыгар Макаров Семен Васильевичка, Макарова Альбина Нестеровнаҕа, Мальцева Зоя Яновнаҕа , Монастырев Филипп Филипповичка , Друзьянова Елена Алексеевнаҕа, Ноговицына Раиса Иннокентьевнаҕа, Прудецкая Розалия Петровнаҕа, Федоров Семен Владимировичка олохтоох дьаһалта эҕэрдэ суруктара, улуустан бочуоттаах грамоталары ыалдьыппыт улуус баһылыгын солбуйааччы Кронникова Мария Филипповна Беляев Петр Николаевичка, Друзьянов Егор Егоровичка, Сивцев Мирослав Федотовичка, Монастырев Василий Васильевичка, Ноговицын Иван Андреевичка туттарда. Үтүө үлэһит дьоммутугар анаан "Операция КРС" дьиҥ олоххо баар түгэннэртэн айыллыбыт испэктээкил оонньуута турда. Туруорааччы А.А.Сивцев аатынан сынньалаҥ киин уус-уран салайааччыта Нюргуяна Протодьяконова. Артыыстар нэһилиэкпит уус-уран самодеятельноһын кыттыылаахтара көрөөччү биһирэбилин ыллылар, кэлбит дьону сэргэхситтилэр. Бүгүҥҥү көр-күлүү киэһэтин бэлэхтээбит күндү нэһилиэкпит талааннаах дьонугар махталбытын биллэрэбит 🤗 "Күлүм-аллай"-оонньуу буолан илии тутуурдаах, өттүк харалаах түмүктэннэ. Сүөһү-сылгы иитиитинэн дьарыктанар үтүөкэн үлэһит дьоммут чэгиэн-чэбдик сылдьыҥ, баай-байылыат олохтонуҥ! ❤️

22.11.2025